დიდი ბრიტანეთის სამხედრო დაზვერვის სამსახური აცხადებს, რომ სევეროდონეცკიდან უკან დახევის შემდეგ, უკრაინული ძალები აგრძელებენ თავიანთი პოზიციების გამყარებას ქალაქ ლისიჩანსკში. ისინი აგრძელებენ მტრის კონტროლის შესუსტებას რუსულ პოზიციებზე წარმატებული დარტყმების განხორციელებით.
"24-26 ივნისს უკრაინის მასშტაბით, რუსეთმა დაიწყო უჩვეულოდ ინტენსიური დარტყმები შორი მანძილის რაკეტების გამოყენებით. რაკეტების სისტემა, დიდი ალბათობით, შეიცავს საბჭოთა ეპოქის AS-4 KITCHEN და უფრო თანამედროვე AS-23a KODIAK რაკეტებს, რომლებიც როგორც ბელორუსის, ისე რუსეთის საჰაერო სივრციდან ისროლეს."- წერია ბრიტანეთის დაზვერვის განცხადებაში.
ბრიტანეთის დაზვერვა, ასევე ამბობს, რომ რუსული ძალების მიერ გამოყენებული იარაღი შექმნილია სტრატეგიული მნიშვნელობის სამიზნეების ასაღებად. ტაქტიკური უპირატესობის მოსაპოვებლად რუსეთი აგრძელებს მათი დიდი რაოდენობით გამოყენებას .
"ანალოგიურად, რუსეთმა განათავსა შეიარაღებული ძალების ექვსი სხვადასხვა ელემენტი, მაგრამ მხოლოდ სევეროდონეცკში მიაღწია ტაქტიკურ წარმატებას. "- წერია ბრიტანეთის დაზვერვის მიერ გავრცელებულ განცხადებაში.
დახურვა